 |
| Dr. Sahib Shah Sabir |
څۀ مې دَ خوږ زړۀ درزا څۀ مې دَ زخمونو څړيکي
دَ بې وسۍ پۀ در کښې ژاړم دَ دردونو څړيکي
چې پرېکولې ئې دَ
ګُلو دَ غُونچو نه ژبې
اوس خو به اوري دَ وږمو دَ پرهرونو څړيکي
چرې به تندر خو دَ
ظلم پۀ ماڼو پرېوځي
دَ چا زړۀ چاؤدې اسويلي دَ چا دَ زړونو څړيکي
په ژوند دَ حُسن دَ
سپرلي دَ راتلو زېرے کوي
دَ ماښامونو زړۀ چاؤدون دَ سحرونو څړيکي
دَ محلونو پۀ مړۀ
خندا کښې پټه نۀ شوه
دَ وږو تږو دَتنکو تنکو ويرونو څړيکي
لرې بۀ نۀ وي چې
اودۀ زړونه راولړځوي
پۀ دې دردونو کښې راغونډې دَ عمرونو څړيکي
دَ نيمي شپې دَ
خاموشۍ دَ سر غرور ماتوي
دَ انتظار دَ شوګيرو ځپلې زړونو څړيکي
0 Comments
Post a Comment